Яна бир ўзбек шоирасининг китоби Туркияда чоп этилди
Туркиянинг Истанбул шаҳрида Ўзбекистон Ёзувчилар уюшмаси аъзоси, шоира Наргиза Асадованинг "Müjde" (Хушхабар) номли шеърий китоби чоп этилди.
Туркиянинг Истанбул шаҳрида Ўзбекистон Ёзувчилар уюшмаси аъзоси, шоира Наргиза Асадованинг "Müjde" (Хушхабар) номли шеърий китоби чоп этилди.
Китобга шоиранинг ҳаёт ва хаёл орасидаги тубсиз ўйлари, ишқ ва нафрат орасидаги туйғулари ва кўнгилни озода этувчи дилбар шеърлари киритилган.
Замонавий кўринишга эга тўплам "Asmaalli" нашриётида нашрдан чиқди. Шоиранинг шеърларини турк тилига таниқли таржимон ва шоир Ҳамза Ўзтуркчу ва Емине Бакар таржима қилинган.
ЯНА ТEЛEФОН ҲАКДА
Кутмайман.
Дийдорнинг оний онларин
Минг бир кечаларга бошласа йўлим.
Қўрқмайман.
Чиқса гар аждарҳо, девлар
Насиб бўлса ҳатто, Шириндек ўлим.
Мумкин,
Бир лаҳзада ўлмок, тирилмоқ.
Сенинг табассуминг
Қароқларингдан
Азизим,
Не бўлсам бўламан ҳозир –
Кутяпман…
Қўрқяпман…
Қўнғироғингдан.
* * *
Уюлиб ётади столда қоғоз
Бошинг кўтаролмайсан ишдан.
Хонанг иссиқ...
совқотдим бир оз,
Жоним, хабаринг борми қишдан...
Қиялатиб эшигинг насим,
Остонангдан бўйласа сўнг бор.
Англамадинг...
соғиниш касбим
Қара, ахир, кетяпти баҳор!...
Увушдими недандир тананг,
Қароғимда қолса тилаклар
Кўрмаганга йўйгач ишхонанг.
Олиб кетди,
мени лайлаклар...
Хазонбоғдан келса гар овоз
Изла, энди туйғуларимни
Йиллар бўйи титкилаб қоғоз,
Тополмайсан,
кулгуларимни...