Фавқулодда вазиятлар вазирлиги матбуот хизмати хабарига кўра, бугун, 20 декабрь куни соат 07:50 да Тошкент шаҳар Учтепа тумани Фарҳод кўчасида, 125 йўналиш бўйлаб ҳаракатланиб кетаётган Mercedes-Benz русумли автобусда ёнғин содир бўлган.

2 та ёнғин-қутқарув экипажи соат 07:56 да воқеа жойига етиб борган, ёнғин соат 08:00 да ўчирилган.
 
Ёнғин оқибатида автобуснинг мотор қисми ёниб, зарарланган.  Ҳодиса оқибатида жабрланган ва ҳалок бўлганлар йўқ.

Ҳозирда мутахассислар томонидан ёнғин сабаби ва келтирилган моддий зарар миқдори аниқланмоқда. 
                                                                            
 

ЎзА