Ямайкалық бірқатар әйгілі спортшылар өз елінің спорт федерациясына наразылық ретінде Түркия құрамына өтуді шешті. Бұл туралы шетелдік ақпарат құралдары хабарлады.

Негізгі себеп – Ямайка жеңіл атлетика федерациясына деген сенімсіздік пен қолдаудың жетіспеуі. Ал Түркия тарапы спортшыларға өте тиімді шарттар ұсынуда: келісімшартқа қол қойғаны үшін 500 мың доллар; ірі халықаралық жарыстарда жеңіске жеткені үшін алты таңбалы сыйақы; тұрақты жоғары жалақы және үздіксіз қолдау.

Түркия азаматтығын әлдеқашан алған атлеттер қатарында: Олимпиада чемпионы Рожер Стоунер (диск лақтыру); Олимпиада қола жүлдегері Ражиндра Кэмпбелл (ядро лақтыру) бар.

Сондай-ақ, Париж-2024 Олимпиадасының күміс жүлдегері Уэйн Пиннок (ұзындыққа секіру); жасөспірімдер арасындағы әлем рекордшысы Жейдон Хибберт (үш қарғып секіру) – Түркия атынан шығу мәселесін қарастыруда.

Алайда азаматтығын ауыстырған ямайкалық спортшылар қазіргі таңда Түркияның атынан халықаралық жарыстарға қатыса алмайды. Бұл үшін Түркия Халықаралық жеңіл атлетика федерациясы (World Athletics) және Халықаралық Олимпиада комитетімен келісімге келуі қажет. Бұл мәселенің 2028 жылғы Олимпиадаға дейін шешіле ме – әзірге белгісіз.