Яманлик биотехнолог ва илмий коммуникатор Ҳошим ал-Ғолий самолёт-меҳмонхона лойиҳасини ишлаб чиқди. У ўзининг ихтиросига Sky Cruise деб ном берди.

Daily Star  маълумотларига кўра, учар меҳмонхона атом энергиясидан қувват олади, бу эса унинг мунтазам ҳавода бўла олишини таъминлайди. 

Платформа шахсий аэродромига эга бўлиши меҳмонларнинг меҳмонхонага оддий самолётларда учиб келишларига имкон яратади.

Ал-Ғолийнинг концепциясига кўра, самолёт сунъий онг томонидан бошқарилади, учувчиларга эса унинг ишини назорат қилиш вазифаси юклатилади. 

Режага кўра, булутлар марказида жойлашган ҳашаматли меҳмонхона  бир вақтнинг ўзида 5 минг нафар кишини қабул қилиш қувватига эга бўлади. 

ЎзА