Шу кунларда Олий Мажлис Қонунчилик палатаси депутатлари ҳудудларда бўлиб, ўрганишлар олиб бормоқда, аҳоли вакиллари билан юзма-юз учрашиб, уларнинг муаммоларини, мурожаатларини ўрганмоқда.

Жумладан, ЎзМТДП фракцияси аъзоси Васила Файзиева партиянинг Тошкент шаҳар кенгаши вакиллари ҳамроҳлигида Чилонзор туманидаги Яккатут маҳалласи фаолияти билан танишди.  

Маълум қилинишича, маҳаллада “Аёллар дафтари”га киритилган хотин-қизлар муаммоларининг 80 фоизи ижобий ҳал этилган. Вояга етмаганларнинг 16 нафари касб-ҳунарга йўналтирилган. Яна бир нечта фуқарога бизнесини бошлаши учун кредит олишда кўмак берилган. Маҳалла мутасаддилари томонидан фуқаролар мурожаатларини ўрганишга алоҳида эътибор қаратилмоқда.  

Депутат маҳалла ҳудудида амалга оширилаётган ишларни юқори баҳолади. Бунда айнан “еттилик”нинг хизмати катта бўлаётгани эътироф этилди. Ўз навбатида, маҳалла еттилиги фаолиятининг янада самарали бўлиши учун зарур тавсиялар берилди.  

М.Комилова, ЎзА