Mahzuna KAMOLOVA tayanch doktorant O‘zbekiston jurnalistika va ommaviy kommunikatsiyalar universiteti Toshkent, O‘zbekiston
Annotatsiya
Maqolada XX asrning birinchi choragida Turkiston o‘lkasida yuz bergan ijtimoiy-siyosiy o‘zgarishlar zamirida o‘zbek xotin-qizlar matbuotining vujudga kelishi va taraqqiyoti tahlil qilinadi. Asosiy e’tibor 1920 yillarda tashkil etilgan “Yangi yo‘l” jurnali faoliyatiga qaratilgan bo‘lib, uning paydo bo‘lishiga ta’sir etgan omillar o‘rganiladi. Jurnalning gazeta shaklidan jurnal ko‘rinishiga o‘tishi, mundarijaviy yo‘nalishlari, ruknlar tizimi, tahrir hay’ati tarkibi hamda ijodkor ayollar faoliyati ilmiy tahlil etiladi. Shuningdek, “Yangi yo‘l” sahifalarida yoritilgan ayollar masalalari davr matbuoti kontekstida ko‘rib chiqiladi. Mahalliy va xorijiy tadqiqotchilar qarashlari qiyosiy asosda tahlil qilinib, jurnalning jadidchilikdan sho‘ro mafkurasiga o‘tish davri publitsistikasida tutgan o‘rni aniqlanadi.
Tayanch so‘zlar: “Yangi yo‘l” jurnali, ayollar matbuoti, jadidchilik harakati, xotin-qizlar huquqlari, sho‘ro mafkurasi, milliy uyg‘onish, o‘zbek matbuoti tarixi, “Hujum” harakati, ayollar ta’limi, publitsistika.