Poytaxtimizda o‘tkazilayotgan og‘ir atletika bo‘yicha Osiyo chempionatining navbatdagi kuni ortda qoldi.

Quvonarlisi, unda hamyurtimiz, O‘zbekiston davlat jismoniy tarbiya va sport universiteti ko‘pkurash sport turlari fakulteti talabasi Sarvarbek Zafarjonov (-89 kg) jamoamiz hisobiga 2 ta bronza medalini taqdim qildi.

MOQ matbuot xizmatining qayd etishicha, Sarvarbek dast ko‘tarish mashqini 166 kg natija bilan yakunlab, uchinchi natijani qayd etdi. Siltab ko‘tarishdagi 202 kg ko‘rsatkich ushbu mashqda medal taqdim qilmagan bo‘lsa ham, yakunda uning katta bronza medali sohibi bo‘lishiga zamin yaratdi. Ushbu yo‘nalishda oltin medal kutilganidek eronlik “Rio–2016” Olimpiadasi chempioni Kianush Rustamiga nasib etdi.

Og‘ir atletika, Osiyo chempionati:

Erkaklar, -89 kg.

1. Kianush Rustami (Eron) – 373 (167+206) kg;

2. Nurgissa Adiletuli (Qozog‘iston) – 372 (169+203) kg;

3. Sarvarbek Zafarjonov (O‘zbekiston) – 368 (166+202) kg.

…

9. Hakimjon Shamsiddinov (O‘zbekiston) – 332 (150+182) kg.