Sirdaryo viloyati Xovos tumani xokimi Uchqun Kamolov boshchiligida sektor rahbarlari bu gal "Chamanzor" mahallasida uyma-uy yurib aholining turmush sharoitini o‘rgandi, ular bilan suhbatlashdi.

Mas’ullar tomonidan mahalladagi yo‘l infratuzilmasi, elektr, ichimlik suvi, tabiiy gaz va tadbirkorlikni rivojlantirish masalalariga e’tibor qaratildi. Shuningdek, aholiga tegishli tomorqalar holati bilan tanishildi.

Aholining tomorqalardan qanday foydalanayotgani ko‘zdan kechirildi. Uyma-uy yurish natijasida aholining talab va ehtiyojlari, muammolari aniqlanib, yechim topish choralari ko‘rildi.

Sh.Suyarov, O‘zA