Ekologiya, atrof-muhitni muhofaza qilish va iqlim o‘zgarishi vazirligi matbuot xizmati ma’lum qilishicha, O‘zbekiston – Qozog‘iston chegarasidagi “G‘ishtko‘prik” chegara postida qonunbuzarlik holati aniqlandi.

Xabarga ko‘ra, Andijon viloyatida yashovchi fuqaro M. N. Checheniston Respublikasidan 22 dona, 4 turdagi qirg‘ovul va 5 dona Hindiston oq tovusini chegara bojxona postidan noqonuniy ravishda olib o‘tishga uringan vaqtida to‘xtatildi. Tekshiruv davomida fuqaro tegishli hujjatlarni taqdim eta olmagani, shuningdek, veterinar xulosasida qushlarning nomi va soni noto‘g‘ri ko‘rsatilgani ma’lum bo‘ldi.

Qushlar vaziyatga aniqlik kiritilgunga qadar, Toshkent hayvonot bog‘iga vaqtincha topshirildi.

Muhayyo Toshqorayeva, O‘zA