Xorazm viloyati Urganch shahrida o‘smirlar va yoshlar o‘rtasida karate WKF bo‘yicha o‘tkazilgan mamlakat chempionati o‘z yakuniga yetdi.

O‘zbekiston chempionatida Qoraqalpog‘iston Respublikasi va barcha viloyatlardan 600 nafardan ziyod 8 yoshdan 17 yoshgacha bo‘lgan o‘g‘il va qiz bolalar qatnashdi.

Musobaqa yakuniga ko‘ra, umumjamoa hisobida sovrinli o‘rinlarni Xorazm, Toshkent va Surxondaryo viloyati vakillari egalladi.

O‘zA