Yevroosiyo iqtisodiy ittifoqiga a’zo davlatlarning yetakchi kompaniyalari hamda mamlakatimizning turistik biznes vakillari ishtirokidagi mazkur xalqaro forum joriy yilning 29 noyabr kuni Xiva shahrida o‘tkaziladi.

Turizm va madaniy meros vazirligi tomonidan tashkil qilinadigan xalqaro forum kun tartibidan "Yevroosiyo iqtisodiy ittifoqida turizm: sayyohlik oqimini jadal tiklash salohiyati, istiqbollari va muammolari", "Barqaror va yashil turizm kun tartibidagi o‘zaro ta’sir", "YeOII mamlakatlari o‘rtasida yo‘lovchi transporti aloqalarini kengaytirish", "Kelajak turizmi: turizm sohasida kadrlar tayyorlash borasida hamkorlik istiqbollari" kabi dolzarb masalalar o‘rin olgan.

Ushbu forum ichki turizmni sezilarli darajada rivojlantirish bo‘yicha yangi tashabbuslarni ishlab chiqish, turizm sohasida ilmiy-texnikaviy va sarmoyaviy hamkorlikni mustahkamlash va o‘zaro tajriba almashishga qaratilgani bilan ahamiyatlidir.

Ahmadjon SHOKIROV,

O‘zA muxbiri