Xizmat ko‘rsatish hajmi va sifati oshmoqda
Qoraqalpog‘iston Respublikasi Nukus shahridagi «KKavtotexxizmat» aksiyadorlik jamiyati zamonaviy avtomobillar sotish va ularga texnik xizmat ko‘rsatish bilan shug‘ullanadi.
Qoraqalpog‘iston Respublikasi Nukus shahridagi «KKavtotexxizmat» aksiyadorlik jamiyati zamonaviy avtomobillar sotish va ularga texnik xizmat ko‘rsatish bilan shug‘ullanadi. Bu yerda ikkita avtomobillarni ta’mirlash ustaxonasi, yangi avtomobillarni sotishdan oldin texnik nazoratdan o‘tkazish joyi va avtosalon tashkil qilingan.
Korxona bosh muhandisi Baxitboy O‘razboyevning aytishicha, aholining turmush farovonligi oshib, zamonaviy avtomobillar bilan ta’minlanish darajasi ortib borayotgani sohada xizmat ko‘rsatish ko‘lami va sifatini yanada yaxshilashni taqozo etmoqda. Yuzdan ziyod ishchi-muhandis mehnat qilayotgan korxonada barcha qulayliklar mavjud.