Xitoy harbiy flotiga qarashli gidrografik kema Yaponiyaning suvlik hududidan o‘tdi, deya ma’lum qildi chorshanba kuni Kunchiqar mamlakati mudofaa vazirligi.

"26 aprel soat taxminan 23:00 da Kutinoerabu orolining g‘arbiy qismida Xitoy harbiy flotiga qarashli gidrografik  kema mamlakatimiz suv hududiga kirdi. So‘ngra 27 aprel kuni soat taxminan 2:10 da  mazkur kema Yakusima  orolining janubiy qismidan suv hududimizni tark etdi va janubi-sharqqa qarab suzib ketdi", — deyiladi xabarda.

Xuddi shunday holat o‘tgan yilning noyabrida ham kuzatilgan edi, deyiladi xabarda.