Xitoy markaziy televideniyesi ma’lumotlariga ko‘ra, juma kuni Xitoyning markaziy qismidagi Xunan provinsiyasidagi Changsha shahrida olti qavatli bino qulab tushdi. Qurbonlar va jarohat olganlar haqida hozircha ma’lumot yo‘q.

Voqea juma kuni Changsha tibbiyot instituti yaqinidagi Vancheng tumanida mahalliy vaqt bilan soat 12.50 da sodir bo‘lgan. O‘t o‘chiruvchilar va qutqaruvchilarning birinchi guruhi voqea joyiga yetib kelgan. Binoning umumiy maydoni taxminan 800 kvadrat metrni tashkil etadi. Birinchi qavatda do‘konlar, ikkinchi qavatda umumiy ovqatlanish korxonalari, uchinchi qavatda xususiy kinoteatr, 4-6-qavatlarda kichik mehmonxona joylashgan. Oltinchi qavatning tepasida bino egasiga tegishli chodir ham bor edi. 
 
Qulash sabablari hozircha aniqlanmagan, hodisa vaqtida binoda qancha odam bo‘lgani ham ma’lum emas.