Qozog‘iston Raqamli rivojlanish, innovatsiyalar va aerokosmik sanoat vazirligi matbuot xizmati ma’lum qilishicha, Xitoy ushbu qardosh davlatda odamsimon robot ishlab chiqarish korxonasi tashkil etish niyatini bildirgan.

– Hamkorlik doirasida “AgiBot” kompaniyasi robot hamda sun’iy intellekt yechimlarini ishlab chiqarish va joriy etish bo‘yicha qo‘shma korxona tashkil etishni rejalashtirmoqda, – deyilgan shu haqdagi bayonotda.

2023 yil fevralda tashkil etilgan, umumiy maqsadli gumanoid robotlar yaratish va ishlab chiqarishga ixtisoslashgan mazkur XXR brendi sun’iy intellekt, robototexnika texnologiyalarini faol rivojlantirmoqda, sanoatdan uy-ro‘zg‘or ishlarigacha, keng ko‘lamli ilovalar uchun robotlar yaratmoqda. 2024 yil dekabr oyida “AgiBot” Shanxaydagi zavodidan 1000 donaga yaqin “temir-odam” chiqargan.