Xavfsizlik choralari ko‘rilmagan AGTKSH gaz ta’minotidan ajratildi
Farg‘ona viloyati Bog‘dod tumanidagi “T.G.C.” MCHJga qarashli avtomobillarga gaz to‘ldirish-kompressor shoxobchasida xavfsizlik choralari ko‘rilmagani aniqlandi.
Ma’lum bo‘lishicha, mazkur shoxobcha faoliyatida aholi hayoti va sog‘lig‘iga xavf tug‘ilishi bilan bog‘liq bo‘lgan qo‘pol qoidabuzarliklarga yo‘l qo‘yilgan.
Ushbu holatdagi qoidabuzarlikka sabab bo‘luvchi omillar to‘liq bartaraf etilgunga qadar mazkur AGTKSH (10 kun muddatgacha) tabiiy gaz ta’minotidan ajratildi, deyiladi "O‘zenergoinspeksiya” axborot xizmati xabarida.
N.Ziyodullayeva tayyorladi, O‘zA