XAMAS 45 kunlik sulh evaziga o‘n nafar asirni ozod qilish taklifi ko‘rib chiqilayotganini aytib, Isroil bilan o‘t ochishni to‘xtatish bo‘yicha muzokarani davom ettirish uchun Qatarga delegatsiya yubordi. Dohadagi muzokara shu hafta oxiri yoki keyingi hafta bo‘lib o‘tadi.

Taklif etilgan sulh bitimi Isroil bir oydan ortiq vaqtdan beri qamal qilib turgan G‘azoga oziq-ovqat va boshpana kirishiga imkon beradi.
Ayni payt G‘azoda qolayotgan 59 asirdan 24 nafari tirikligi taxmin qilinmoqda.

XAMASning yuqori martabali mulozimi Al-Jaziraga aytishicha, Misrdan qabul qilib olingan kelishuv shartnomasida qurolsizlanishga chaqiruvchi band bor.