Joriy yilning 3-7 iyun kunlari Tatariston Respublikasi Tetyushi shahrida turkiy xalqlar davlatlari o‘rtasida taqsimlash elektr tarmoqlariga xizmat ko‘rsatuvchi elektromontyorlarning navbatdagi kasb mahorati xalqaro musobaqasi bo‘lib o‘tdi.

Unda Tatariston, O‘zbekiston, Qozog‘iston, Ozarbayjon, Turkiya va Qirg‘iz Respublikalarining energetika tashkilotlaridan professional mutaxassislar ishtirok etdi. 

Musobaqada soha mutaxassislari bir qator talablar asosida o‘z imkoniyatini sinab ko‘rdi. 

Yakuniy natijalarga ko‘ra, O‘zbekiston nomidan qatnashgan “Hududiy elektr tarmoqlari” AJ jamoasi birinchi o‘rinni egalladi.

“Hududiy elektr tarmoqlari” AJ axborot xizmatining ma’lum qilishicha, 2025 yilda ushbu xalqaro musobaqa O‘zbekistonda o‘tkaziladi. 

N.Ziyodullayeva, 
O‘zA