Xalqaro hokkey turniri o‘z nihoyasiga yetdi
Poytaxtimizdagi muhtasham “Humo Arena” muz saroyida yoshlar terma jamoalari o‘rtasida bo‘lib o‘tayotgan Xalqaro hokkey turniri o‘z nihoyasiga yetdi.
Poytaxtimizdagi muhtasham “Humo Arena” muz saroyida yoshlar terma jamoalari o‘rtasida bo‘lib o‘tayotgan Xalqaro hokkey turniri o‘z nihoyasiga yetdi.
Kecha hamyurtlarimiz Moskvaning “Dinamo” hokkeychilari bilan so‘nggi o‘yinda muz ustiga tushdilar.
Qiziqarli o‘tgan uchrashuv moskvaliklar foydasiga hal bo‘ldi: “Humo”-“Dinamo” 3:6.
Turnir yakuniga ko‘ra, uchala uchrashuvda ham g‘alaba qozongan Moskvaning “Spartak” jamoasi g‘olib bo‘ldi.
Keyingi o‘rinlar “Dinamo” (Moskva) hamda “Humo” (Toshkent)ga nasib etdi. Barcha o‘yinlarni boy bergan Chelyabinskning “Traktor” jamoasi so‘nggi pog‘onada qolib ketdi.
Musobaqa yakunida g‘olib va sovrindorlar taqdirlandi. Turnirning “Eng yaxshi hujumchisi”, “Eng yaxshi himoyachisi” va “Eng yaxshi darvozaboni”ga maxsus sovg‘alar hadya etildi.
