Халқаро аёл теннисчилар ассоциацияси (WTA) профессионал теннисчиларнинг 2026 йил ҳисобидан эълон қилган илк рейтингида Ўзбекистон терма жамоасининг икки нафар аъзоси кўтарилишга эришди.

Биринчи ракеткамиз Камилла Раҳимова 6 поғонага юқорилаб, 91-ўринни банд этган бўлса, ўтган йили Брисбен турнири вице-чемпионлигини қўлга киритган Полина Кудерметова бу йилги мусобақада қатнашмагани ортидан 349 очко йўқотди ва 104-ўриндан 167-қаторга тушиб кетди.

Ўзбекистон терма жамоасига жалб этилган Мария Тимофеева бу йилги Брисбен турнирининг саралашида қатнашгани ҳолатида рейтингда 13-ўриндан жой олди ва мамлакатимизнинг иккинчи рақамли теннисчи қизига айланди.

Қолган теннисчиларимиздан Литвадан маҳаллийлаштирилган Лайма Владсон 880, Влада Якшибарова 1070, Севиль Юлдашева 1197,  Милана Масленкова 1276, Нигина Абдураимова 1197, Диана Яковлева 1477-поғоналарда қайд этилди.

Дунё теннисчиларининг Топ-10лигида ҳамон беларуслик Арина Соболенко пешқадамлик қилмоқда. Иккинчи ўриндан польшалик Ига Свёнтек жой олган. Америкалик Аманда Анисимова ватандоши Коко Гофф билан ўрин алмашди ва аёллар рейтингининг учинчи поғонасини банд этди.

Тўлқин Рўзиев,

ЎзА