Жорий йил 1 январдан World Boxing ташкилоти тизимида ўтказиладиган мусобақаларда иштирок этадиган эркак ва аёл боксчилар учун гендер тестдан ўтиш мажбурий этиб белгиланди.

Айтиш лозим, ўтган йил 20 августдан кучга кирган ва биринчи марта сентябрь ойида Буюк Британиянинг Ливерпуль шаҳрида ташкил этилган жаҳон чемпионатида фақат хотин-қиз боксчилар учун қўлланилган. Шу сабаб унда Франция жамоаси мусобақага қўйилмаганди. Сабаби французлар таҳлил топширган лаборатория унинг натижаларини керакли муддатда тайёрлашга улгурмаганди.

World Boxing мутасаддилари жорий этилаётган гендер тест мусобақаларда қатнашадиган чарм қўлқоп усталарига тенг шароитларни таъминлашга қаратилганини таъкидлашди.

Т.Рўзиев, ЎзА