Өзбекстанның Венгриядағы Елшісі О.Шахавдинов Будапештте «Wizz Air» әуе компаниясының президенті Роберт Кэримен кездесті.

Dunyo агенттігінің хабарлауынша, кездесу барысында «Wizz Air» авиакомпаниясының Өзбекстанның авиация нарығындағы қатысуын кеңейту жөнінде жан-жақты пікір алмасылды.

«Әуе компаниясы Еуропаның астаналары мен Өзбекстан қалалары арасында тікелей әуе қатынасын ашуға мүдделі» екені атап өтілген хабарламада.

Сонымен қатар, келіссөздер барысында «Wizz Air» әуе компаниясының бас директоры Йозеф Варади бастаған делегацияның Ташкентке жоспарланған сапары талқыланған.

Естеріңізге сала кетейік, «Wizz Air» лоукостер әуе компаниясы 2022 жылдың желтоқсан айынан бастап Абу-Дабиден Самарқандқа, ал Абу-Даби-Ташкент-Абу-Даби бағыты бойынша өткен жылдың қаңтарынан бастап тұрақты рейстерді орындап келеді. Билеттер бір бағытқа қарай 45 доллардан басталады.