WhatsApp barcha chat xabarlarini tarjima qilish imkoniyati ustida ishlamoqda. Hozirda funksiya Android qurilmalari uchun sinovdan o‘tkazilmoqda. Bu haqda “The Times of India” nashri xabar tarqatdi.

Foydalanuvchilar qabul qilingan xabarlarni 6 ta tilga, jumladan rus, ingliz, arab, ispan, portugal va hind tillariga tarjima qilishlari mumkin.

– Bu jarayon tezda amalga oshiriladi. Til tanlanganidan so‘ng, WhatsApp foydalanuvchidan tarjima uchun kerakli til paketini yuklab olishni taklif qiladi. Tarjimadan so‘ng xabar muvaffaqiyatli tarjima qilinganligini bildiruvchi yangi belgi paydo bo‘ladi, - deyiladi xabarda.

Maxfiylik nuqtai nazaridan shifrlash doimiy ravishda amalga oshiriladi va hech qanday ma’lumot qurilmadan tashqariga uzatilmaydi. Hozirda xabarlarni avtomatik ravishda boshqa tillarga ham tarjima qilish imkoniyati ishlab chiqilmoqda.