Дүниежүзілік бокс ұйымы (WBO) ауыр салмақтағы британдық Энтони Джошуа мен Тайсон Фьюри арасындағы жекпе-жекті мақұлдады. Осы жекпе-жек жеңімпазы Александр Усик немесе Джо Джойспен жұдырықтасады.

Boxing Scene порталындағы дерекке сай Джошуа мен Фьюри жекпе-жегінің жеңімпазы титулды қорғау үшін Усик пен Джойс арасындағы жекпе-жектің жеңімпазымен жұдырықтасатын болады. Жекпе-жек уақытша чемпионның аты белгілі болған күннен бастап 180 күн ішінде өтуі керек.

Егер абсолютті чемпион белбеуді қорғаудан бас тартса, онда Усик пен Джойс жекпе-жегінің жеңімпазы WBO белбеуіне иелік етеді.

Дереккөзлегі мәліметке қарағанда, Фьюри-Джошуа жекпе-жегіне кедергі болатын жалғыз жағдай Тайсон мен американдық боксшы Деонтей Уайлдер арасындағы үшінші қақтығыс. Шешім қаңтардың аяғында қабылданады деп күтілуде.