“Volkswagen” сешанба куни Дрездендаги заводида ишлаб чиқаришни тўхтатади, бу Германиядаги 88 йиллик автомобиль ишлаб чиқариш тарихида биринчи марта юз бермоқда, деб ёзиб чиқди “Financial Times” нашри.

Таъкидланишича, концерн ёпилиши Хитой ва Европада савдо ҳажмининг пастлиги, шунингдек, Қўшма Штатлардан импорт тарифлари билан боғлиқ.

“Bernstein” таҳлилчиси Стивен Рейтманнинг сўзларига кўра, компания харажатларни камайтириб, фойдани оширишга ҳаракат қилмоқда. Дрездендаги завод 2002 йилдан бери тахминан 200 мингта автомобиль ишлаб чиқарган.

Маълумот ўрнида: “Volkswagen” дунёдаги етакчи автомобиль ишлаб чиқарувчи концернлардан бири ҳисобланади. Унинг бош қароргоҳи Вольфсбургда жойлашган.

С.Раҳимов, ЎзА