Bir hafta davom etgan uchrashuvlar oʻta keskin va murosasiz kurashlar ostida oʻtdi. Ahamiyatli jihati, 2-turdan keyin peshqadam oʻzgardi. Agar yodingizda boʻlsa 1-turdan soʻng Toshkentning “Oriyent” jamoasi yetakchilik qilayotgandi. Ammo Buxorodagi bahslar yakuniga koʻra Olmaliqning AGMK jamoasi ularni quvib oʻtishga muvaffaq boʻldi.

Eʼtiborga molik voqea sifatida 2-turda “Milliy gvardiya” jamoasi voleybolchilari chiroyli va gʻalabali oʻyinlari bilan oʻz muxlislarini xushnud etganini taʼkidlash kerak. Natijada ular 17 ochko bilan 3-oʻringa koʻtarilib olishdi.

2-turdan keyin turnir jadvali quyidagicha koʻrinish olgan:

1) AGMK (Olmaliq) – 33

2) “Oriyent” (Toshkent) – 32

3) “Milliy gvardiya” (Toshkent) – 17

4) “Yoshlik” (Fargʻona) – 16

5) “Soʻgʻdiyona” (Navoiy) – 15

6) “Buxoro” (Buxoro) – 8

7) QDPI (Qoʻqon) – 5.