Бугун, 29 август куни Қирғизистоннинг Чўлпон-ота шаҳрида волейбол бўйича эркаклар терма жамоалари иштирокида Осиё челленж кубоги баҳслари бошланди.

Унда ҳамюртларимиз гуруҳ босқичида Қирғизистон, Мўғулистон ҳамда Саудия Арабистони терма жамоаларига қарши баҳс олиб боришади.

Мусобақа дастурига биноан вакилларимиз илк учрашувни Саудия Арабистони билан ўтказса, 30 август куни Қирғизистон, 31 август куни эса Мўғулистон жамоаси билан куч синашади.

Мазкур кубок баҳслари 4 сентябрга қадар давом этади. Ўзбекистон терма жамоасининг асоси Тошкентнинг «Ўзтелеком» ҳамда Олмалиқнинг АГМК жамоаларида ўйнайдиган спортчилардан ташкил топган.

Т.Рўзиев, 
ЎзА