Водий вилоятларида бугун иккинчи марта зилзила сезилди
Тошкент вақти билан 21:16 да (14.05.2020 йил, Гринвич бўйича 16:16 да) Ўзбекистонда зилзила содир бўлди.
ФВВ Сейсмопрогностик мониторинг Республика маркази хабарига кўра, бугун – 14 май куни Тошкент вақти билан 21:16 да (14.05.2020 йил, Гринвич бўйича 16:16 да) Ўзбекистонда зилзила содир бўлди.
Зилзила координаталари: 41,26 градус шимолий кенглик; 71,57 градус шарқий узунлик. Магнитуда М=4,3. Чуқурлик 14 км. Зилзила эписентридан Тошкентгача масофа 197 км шарқий йўналиш бўйича.
Зилзила Ўзбекистон ҳудудида:
Наманган : 30 км, 4 балл.
Андижон : 84 км, 3 балл.
Фарғона : 99 км, 2 балл.
Бугун Тошкент вақти билан соат 02:09 да ҳам водий вилоятларида зилзила сезилгани ҳақида хабар берилган эди.