Россия Президенти Владимир Путин Латвияда бўлиб ўтадиган хоккей бўйича 2021 йилги жаҳон чемпионатининг плей-офф босқичида иштирок этмайди. Чунки унга Халқаро хоккей федерацияси томонидан таклифнома келмади, деди Президент матбуот котиби Дмитрий Песков.

TASS ахборот агентлиги хабар қилишича, матбуот анжуманида Россия Президенти Латвия давлат ҳокимияти органлари томонидан ҳозир Ригада давом этаётган хоккей бўйича жаҳон чемпионатининг плей-офф баҳсларини томоша қилишга таклиф қилинганми ёки йўқми, деган саволга Песков "йўқ" деб жавоб берган.

Эслатиб ўтамиз, хоккей бўйича бу йилги жаҳон чемпионати Латвия пойтахти Ригада ўтказилмоқда.

Мусобақа доирасидаги учрашувлар 21 май - 6 июнь кунлари бўлиб ўтади. Чемпионат ўйинлари Ригадаги иккита майдонда ўтказилади.

Хоккей бўйича Россия терма жамоаси гуруҳ босқичини 1-ўринда якунлаган ва бугун тунда чемпионатнинг чорак финалида Канада терма жамоасига қарши ўйнайди.

(Б.Худойбердиев)