Өзбекстан Республикасы Сыртқы істер министрінің міндетін атқарушы Владимир Норов Ташкентке жұмыс сапарымен келген Түркі мемлекеттері ұйымының (ТМҰ) Бас хатшысы Бағдад Әмреев бастаған делегацияны қабылдады.

Кездесуде Өзбекстан мен ТМҰ арасындағы көп қырлы ынтымақтастықтың қазіргі жағдайы мен келешегі талқыланды.

Сонымен қатар, ұйым аясында экономикалық, сауда-саттық, көлік, кеден, туризм, құқық қорғау, мәдени-гуманитарлық салалардағы көпқырлы қарым-қатынастар қарқынды дамып жатқаны айтылды.

ТМҰ-мен бірлесіп өткізілетін іс-шаралар кестесі, оның ішінде Жастар форумы (3-4 маусым, Бұхара қ.), «Түркі халықтарының мәдени мұрасын қалыптастырудағы және мемлекеттілігін дамытудағы Қоқан хандығының рөлі» халықаралық ғылыми конференциясы (8-11 маусым, Қоқан), Ауыл шаруашылығы министрлерінің мәжілісіне және Түркі агрофорумын (3-4 шілде, Ташкент) құруға байланысты мәселелер қаралды.

2021 жылдың 12 қарашасында Ыстамбұлда өткен ұйымның саммитінде тараптар Өзбекстан Республикасы Президенті Шавкат Мирзияевтің ТМҰ аясындағы ынтымақтастықты одан әрі кеңейту бойынша алға қойған бастамаларын жүзеге асыру барысы туралы пікір алмасты.

Осы жылы Өзбекстанда өтетін Түркі мемлекеттері ұйымының Бірінші саммитіне дайындық пен оны өткізуге қатысты мәселелерге ерекше назар аударылып, өңірлік және халықаралық күн тәртібіндегі кейбір мәселелер талқыланды.