Бүгін, 29 шілдеде Өзбекстан астанасы Ташкент қаласында Шанхай ынтымақтастық ұйымына мүше мемлекеттер Сыртқы істер министрлерінің кезекті отырысы өтті.

Өзбекстан СІМ мәліметінше, ӨР Сыртқы істер министрінің міндетін атқарушы Владимир Норов өз сөзінде ШЫҰ кеңеюінің екінші толқыны басталғанын хабарлады.

Оның айтуынша, ШЫҰ дамуының жаңа кезеңін оның кеңеюінің екінші толқынының басталуымен белгілеуге болады.

«Өзбекстан мұны ұйымымыздың эволюциясын көрсететін табиғи процесс деп санайды. Мен Иран Ислам Республикасының толыққанды мүшелігі жолындағы ілгерілеуді атап өткім келеді. Беларусь Республикасының өтінішін зерделеу процесі басталды», - деді ол.

Сондай-ақ Мысыр, Сауд Арабиясы және Қатар ШЫҰ диалогы бойынша әріптес мәртебесін беру туралы меморандумдарға қол қоюға дайын екені белгілі болды.

Самарқанд саммитінде Бахрейн мен Мальдив аралдарына диалог бойынша серіктес мәртебесін беру рәсімін бастау туралы шешімдер қабылдау жоспарлануда.

«Сонымен бірге Әзербайжан, Армения, Камбоджа және Непалға ШЫҰ-да бақылаушы мәртебесін беру мәселесіне кешенді көзқарастарды әзірлеу қажет», - деп түйіндеген Норов.