Өзбекстан Сыртқы істер министрі Владимир Норов Ұлыбритания Сыртқы істер министрлігінің басшысын Өзбекстанға шақырды.

СІМ хабарлауынша, Польшаның Лодзь қаласындағы сапары аясында Сыртқы істер министрі Владимир Норов Ұлыбританияның Сыртқы істер, Достастық және даму жөніндегі Мемлекеттік хатшысы Джеймс Клеверлимен кездесті. 

Кездесу барысында елдер арасындағы екіжақты және халықаралық ынтымақтастыққа қатысты кең ауқымды мәселелер талқыланды. Парламентаралық диалогты жандандыру, екі елдің заң шығарушы органдары өкілдерінің өзара сапарларын ұйымдастыру, түрлі салаларда тәжірибе алмасу мәселелері бойынша пікір алмасу болды.

Күні кеше Ташкентте өткен Өзбекстан-Ұлыбритания сауда және өнеркәсіп кеңесінің 26-шы отырысы аясында сауда-экономикалық және инвестициялық ынтымақтастықты одан әрі нығайтудың маңыздылығы, екі елдің іскер топтары арасындағы диалогты жандандыру қажеттігі атап өтілді.

«Тараптар ғылыми және білім беру мекемелері, мұражайлар мен кітапханалар арасындағы байланысты кеңейтіп, бұл бағытта бірлескен жобаларды жүзеге асыруды қолдайтындықтарын жеткізді және ынтымақтастықтың жаңа бағыттарын анықтау мақсатында түрлі деңгейдегі тұрақты байланыстарды жалғастыруға келісті. Владимир Норов британдық әріптесін Өзбекстанға келуге шақырды», делінген хабарламада.