Өзбекстан Сыртқы істер министрінің міндетін атқарушы Владимир Норов ЕО-ға мүше мемлекеттердің дипломатиялық миссияларының басшыларымен кездесті.

СІМ-нің хабарлауынша, кездесуде Еуропалық тарапқа Өзбекстанда жүргізіліп жатқан конституциялық реформалар, елдің негізгі заңнамасына ұсынылып отырған өзгерістердің мазмұны туралы толық ақпарат берілді.

Өзбекстан мен ЕО арасындағы ынтымақтастық кең ауқымды, өзара тиімді бағыттар бойынша дәйекті дамып келе жатқаны атап өтілді. Тараптар жақында Өзбекстан мен ЕО арасында кеңейтілген серіктестік пен ынтымақтастық туралы келісімге қол қойылғанын құптады.

Сауда-экономикалық және мәдени-гуманитарлық салалардағы Өзбекстан-Еуропа ынтымақтастығын кеңейту перспективалары талқыланды. Еуропалық тарап өзара сауданы әртараптандыруға, сондай-ақ Өзбекстанда кәсіби білім беруді дамытуға қолдау көрсетуге дайын екенін білдірді.

2022 жылдың қарашасында Самарқанд қаласында «Еуропа Одағы – Орталық Азия» түріндегі өзара тәуелділік мәселелеріне арналған министрлер конференциясы мен сыртқы істер органдары басшыларының кездесуін табысты өткізудің маңыздылығы атап өтілді.

Еуропалық тарап 2022 жылдың екінші жартыжылдығындағы Еуропалық Одақ Кеңесіне Чехия төрағалығының басымдықтарымен таныстырды, онда Орталық Азия елдерімен қарым-қатынастарды дамытуға ерекше көңіл бөлінген.