Өзбекстан Республикасының Сыртқы істер министрі Владимир Норов бастаған делегация Еуропадағы қауіпсіздік және ынтымақтастық ұйымы Сыртқы істер министрлері кеңесінің 29-шы отырысына қатысу үшін Лодзь қаласына (Польша) барады.

Сыртқы істер министрлігінің хабарлауынша, сапар бағдарламасы 30 қараша мен 3 желтоқсан аралығына жоспарланған.

«Іс-шара ЕҚЫҰ аясындағы өзара ынтымақтастықтың өзекті мәселелерін және Ұйым қызметінің кейбір аспектілерін талқылауға арналған. Сапар аясында Өзбекстан делегациясы бірқатар екіжақты және көпжақты кездесулер өткізеді» делінген ведомство хабарында.