Испанияда Халқаро теннис федерацияси томонидан ташкил этилган W15 таснифидаги турнирда ҳамюртимиз Влада Екшибарова жуфтлик баҳсларининг финал босқичига йўл олди.

Теннисчимиз яккалик баҳсларидаги омадсизликдан сўнг, бельгиялик Клара Власселар билан тандем ҳосил қилди. Дастлаб, Влада ва Клара нейтрал теннисчи Евгения Бурдина ва австралиялик Элла Симмонс жуфтлигини 6:4, 6:3, чорак финалда испаниялик опа-сингиллар Анна ва Мария Мартинезларни 6:4, 6:4, ярим финалда италиялик Сония Кассани ва испаниялик Паола Ортегани 6:4, 6:3 ҳисобида таслим қилди.

Шу тариқа, финал йўлланмасини қўлга киритган Влада Екшибарова ва Клара Власселар дуэти мусобақа бош соврини учун ўтадиган беллашувда нидерландиялик Жой Де Зеув ва словакиялик Виктория Морвайова билан куч синашади.

Жавоҳир Тошхўжаев, ЎзА