Poytaxtimizdagi "Olimpiya shaharchasi"da uch kundan beri davom etayotgan "Prezident olimpiadasi" sport musobaqalari qiziqarliligi va shiddatli bellashuvlarga boyligi bilan ko‘pchilikning e’tiborini tortgan.

Musobaqalarni minglab tomoshabinlar tele-ekranlar, ijtimoiy tarmoqlar yoki bevosita sport majmualarida kuzatmoqda.

E’tiborimizni tortgan jihat, Sirdaryo viloyati hokimi Erkinjon Turdimov, Qashqadaryo viloyati hokimi Murodjon Azimov, Xorazm viloyati hokimi Farhod Ermanov kabi hokimlar musobaqalarni bevosita sport maydonlarida tomosha qilmoqda.

Bugun, 26 noyabr kuni “Prezident olimpiadasi”ning tantanali ochilish marosimi bo‘lib o‘tadi.

Musobaqalar 5 dekabrga qadar davom etadi.

T.Ro‘ziyev, O‘zA