Қашқадарё вилояти Муборак туманида хизмат самарадорлигини ошириш, ҳуқуқбузарлик ва жиноятларнинг олдини олишдаги мавжуд муаммоларни бартараф этиш мақсадида очиқ мулоқот бўлиб ўтди.

Йиғилишда вилоят ҳокими Муротжон Азимов Муборак туманида Ўзбекистон Республикаси Президентининг қарорлари ижроси, туманда криминоген вазиятни барқарорлаштириш ҳамда жиноятларни барвақт профилактика қилиш масалаларини муҳокама қилди.

Йиғилиш давомида жиноятчиликка қарши курашиш, жамоат хавфсизлигини таъминлаш ҳамда фуқароларнинг ҳуқуқ ва эркинликларини ҳимоя қилишда профилактика инспекторларининг роли катта экани алоҳида таъкидланди.

Тадбирда профилактика инспекторлари хизмат фаолияти давомида учрайдиган кундалик ва маиший муаммолари ҳам тингланиб, уларни ҳал этиш чоралари белгиланди.

Ўлмас Баротов, ЎзА мухбири