Әлемнің 21-ракеткасы саналатын канадалық талантты теннисші Гонконгта өткен WTA 250 турнирінің бас жүлдесін жеңіп алды.

Виктория Мбоко финал кездесуінде WTA рейтингінде 68-сатыда тұрған испаниялық Кристин Букшаны үш сет нәтижесімен — 7/5, 6/7(9), 6/2 есебімен жеңді. Бұл теннисшілердің өзара екінші кездесуі болып, есеп 2:0 Мбоко пайдасына жазылды.

Екі сағат 51 минутқа созылған финал барысында Мбоко 9, ал Букша 2 эйс соққысын орындады.
Осылайша Виктория өзінің кәсіби мансабындағы екінші титулына қол жеткізді. Айта кетерлігі, ол екі жүлдені де 2025 жылғы маусымда жеңіп алған.
Мбоко турнир жеңісі үшін 250 рейтингтік ұпай және 36 300 АҚШ доллары көлемінде жүлде иеленді. Ол жаңартылған рейтингте алғаш рет ТОП-20 құрамында дебют жасайды.
Букша болса, 163 ұпай және 21 484 доллар сыйақы алды.