Муносабат

– Ўзбекистоннинг Ашхободда бўлиб ўтган ИҲТ 15-саммитида иштирок этиши мамлакатнинг биргаликда олға ҳаракат қилиш учун таклифлар киритишга тайёр ишончли шерик сифатидаги имижини яна бир бор тасдиқлади.

Ўз чиқишида мамлакат етакчиси, аввало, БМТ Бош Ассамблеясининг жорий йил сентябрь ойида қабул қилинган “БМТ ва ИҲТ ўртасидаги ҳамкорлик тўғрисидаги” Резолюцияси қабул қилиниши, шунингдек, Иқтисодий ҳамкорлик ташкилотининг улкан иқтисодий салоҳиятга эга йирик минтақавий тузилмага айлангани муҳим воқеа эканини қайд этди. Минтақавий ҳамкорликка катта урғу берган ҳолда, қабул қилинган “ИҲТ истиқболлари-2025” концептуал дастури асосида минтақа давлатлари ўртасидаги савдо-иқтисодий ва инвестициявий алоқани кенгайтириш мақсадга мувофиқлигига эътибор қаратди.

Таъкидлаш жоиз, Шавкат Мирзиёев раҳбари турли миқёсдаги минтақавий ҳамкорликка чуқур эътибор беради. Унинг барча таклифлари минтақавий аҳамиятга эга лойиҳаларни ривожлантириш ва минтақа давлатлари иқтисодиётининг рақобатбардошлигини ошириш учун амалий аҳамият касб этади.

Минтақавий механизм сифатида Ўзбекистон Президенти БМТнинг Саноатни ривожлантириш бўйича ташкилоти (ЮНИДО) ва БМТнинг Марказий Осиё давлатлари иқтисодиётлари учун махсус дастури билан биргаликда Ташкилот доирасида Савдо, инвестиция ва инновация марказини ташкил этиш ва ушбу тузилма қароргоҳини Тошкент шаҳрида жойлаштириш таклифини киритди.

Виктор Ким,

Тожикистон Миллий Фанлар академияси

Осиё ва Европа давлатлари институти

катта илмий ходими