7–21 қараша күндері Сауд Арабиясының Эр-Рияд қаласында VI Ислам ынтымақтастығы ойындары өтеді.

Ұйымдастырушылар жарыс күнтізбесін ресми түрде жариялады. Оған сәйкес, футзал мен волейбол сайыстары турнирді 4 қараша күні бастап береді. Одан кейін бокс, пенчак-силат және күрес жарыстары старт алады.

7 қарашада кешенді доданың салтанатты ашылу рәсімі өтеді. Турнир 21 қараша күні спорттық күрес, пара пауэрлифтинг, гандбол және джиу-джитсу сайыстарымен аяқталады.