Өзбекстанның Сыртқы істер министрі бастаған Өзбекстан делегациясы 18-20 наурыз күндері Вьетнам астанасы Ханойда ресми сапармен болып тұр.

Сауда-өнеркәсіп палатасының хабарлауынша, сапар аясында 19 наурызда Өзбекстан-Вьетнам бизнес-форумы және екі елдің бизнес өкілдерінің қатысуымен B2B форматында екіжақты кездесулер ұйымдастырылды.

«Оған екі елдің мүдделі министрліктері мен ведомстволарының, өндірістік бірлестіктердің, коммерциялық банктердің және 100-ден астам вьетнамдық және өзбекстандық ірі компаниялардың өкілдері қатысты.

Форум аясында екіжақты сауда-экономикалық және инвестициялық ынтымақтастықтың өзекті мәселелері, сондай-ақ өнеркәсіптік кооперацияны дамыту шаралары талқыланды», делінген хабарламада.

Іс-шараның қорытындысы бойынша екі елдің іскер топтарының өкілдері арасында екіжақты ынтымақтастықты дамытуға бағытталған бірқатар келісімдерге қол жеткізілді.

Атап айтқанда, Өзбекстанның Сауда-өнеркәсіп палатасы мен Вьетнамның Сауда-өнеркәсіп палатасы арасында Хошимин қаласында Өзбекстан-Вьетнам бірлескен сауда үйін ашу туралы ынтымақтастық туралы келісімге қол қойылды.