Вьетнам астанасы Ханой қаласында әлемдегі ең үлкен стадионның құрылысы басталды.

Daily Mail басылымының хабарлауынша,  стадион 135000 көрерменге арналған.

Жобаның құны шамамен 38 миллиард АҚШ долларын құрайды. Стадион құрылысы 2028 жылы аяқталады деп жоспарланған.

Стадионның жобасы ежелгі Вьетнам мәдениетінің символы — ұжымдық рухты, күш-қуатты және ұзақ ғұмырды білдіретін қола барабаннан (Донг Сон) шабыт алып жасалған.

«Қола барабан» стадионы сыйымдылығы бойынша Солтүстік Кореядағы «Бірінші мамыр» (114000 көрермен) және Мароккода 2030 жылғы әлем чемпионатына арнап салынған «Хасан II» (115000) стадиондарынан асып түседі.