Орталық Хань Хоа провинциясының халық соты екі жергілікті азаматты қазіргі үкіметті құлатуға бағытталған үкіметке қарсы үгіт-насихат жүргізгені үшін ұзақ мерзімге түрмеге жабу туралы үкім шығарды.

Зан чи газетінің хабарлауынша, 60 жастағы Тон Ны Тхе Чанг және 50 жастағы Нгуен Суан Тинь тиісінше 12 және тоғыз жылға бас бостандығынан айырылды. Айыптау актісі материалдарына сәйкес, сотталғандар 2016-2021 жылдар аралығында Вьетнамда тыйым салынған реакциялық саяси ұйым «Тиен Ронг» және «Вьет Тан партиясы» экстремистік эмиграциялық ұйымының қызметіне өз еркімен және белсенді түрде қатысып, елдегі социалистік жүйені жоюды жақтаған. Сот заңсыз әрекеттерді «халық билігін төңкеруге бағытталған іс-әрекет» үшін жауапкершілікті көздейтін бапқа сәйкес саралаған.

Халықаралық құқық қорғау ұйымдары Вьетнамды сөз бостандығын шектеуі және жергілікті диссиденттерге қолданылып жатқан қысымдар үшін үнемі сынға алады. Ханой бұл айыптауларды жоққа шығарады. Билік Вьетнамда заңсыз әрекеттері қылмыстық кодекстің мемлекетке қарсы әрекеттерді жазалайтын баптарына сәйкес келетін азаматтар ғана жауапқа тартылатынын айтады.