Шу кунларда юртимизда бўлиб турган Вьетнам ипакчилик саноати вакиллари Хоразм вилоятининг ипакчилик салоҳияти билан танишди. Хоразм вилояти ҳокими Ж. Раҳимов ушбу ташрифдан мамнунлигини ҳамда ипак маҳсулотларини Вьетнам давлатига экспорт қилишда ёрдамга тайёр эканини билдирди.

Учрашув сўнгида меҳмонларга эсдалик совғалари топширилди. Делегациянинг юртимизга ташрифидан мақсад, ўзбекистонлик тадбиркорлар билан қўшма лойиҳаларни амалга ошириш ва ўзбек ипак маҳсулотлари импортини Вьетнамга яна ҳам кўпайтиришдан иборат. Вьетнам делегациясининг сафари Бухоро вилоятида давом этмоқда.  

Гулноза Бобоева, ЎзА