Венгрияның OTP банкі Өзбекстанның «Ипотека» банкінің 75 пайызын сатып алды.

13 маусымдағы мәміле аясында банк OTP банкінің басқаруына берілді. Бұл туралы «Ипотекабанк» баспасөз қызметі хабарлады.

OTP банк 3 жыл ішінде Өзбекстанның Экономика және қаржы министрлігінің қолында тұрған акциялардың қалған 25 пайызын сатып алады.

2020 жылдың соңынан бастап OTP банк Өзбекстан үкіметімен елдің банк секторын жекешелендіруге қатысу мүмкіндігі туралы келіссөздер жүргізіп келген. 2022 жылдың желтоқсан айында Ташкент қаласында тараптар елдің бесінші ірі қаржылық қызмет көрсету мекемесі «Ипотекабанктің» мемлекетке тиісті 100 пайызын (банктің акцияларының үлесі шамамен 98 пайызды құрайды) ОТР Банктің сатып алу туралы келісіміне қол қойды.

2023 жылдың 13 маусымында мәміле келісім аясында жүзеге асырылды.