Венгрия парламенті Конституциялық соттың басшысы қызметін атқарған Тамаш Шуйокты жаңа мемлекет басшысы етіп сайлады.

«Index» басылымының хабарлауынша, Шуйоктың кандидатурасын билеуші ​​«ФИДЕС – Венгрия азаматтық одағы» партиясы мен христиан-демократтар коалициясы ұсынған. Оның кандидатурасын 134 депутат қолдап, 5 депутат қарсы дауыс берді. Жаңа мемлекет басшысы қызметіне 5 наурызда кіріседі.

«Мен заңгер ретінде де, республика президенті ретінде де заңның негізгі құндылықтарын есте сақтай отырып, қоғам мүддесіне қызмет етіп, ұлт бірлігін таныта аламын», - деген Тамаш Шуйок.