Венгрия бош вазири Виктор Орбан Евроиттифоқни ноқонуний миграциянинг янги тўлқинидан огоҳлантирди.

Бу ҳақда у “Parlamentni Listy” нашрига берган интервьюсида фикр билдирган.

“Венгриянинг жанубида Афғонистондан келаётган мигрантлар миқдори ҳозирданоқ ошмоқда. Ҳақиқий тўлқин кейинроқ келади. Биз бунга қарши туришимиз керак, Венгрия тайёр. Афсусланарли жойи шундаки, Брюссель 2015 йилдаги сингари орқадан пичоқ санчмоқда”, деди Орбан.

Бош вазирнинг таъкидлашича, миграция таназзули сабаби Евроиттифоқни ўз таъсирига олган “Брюссел элитаси” ҳисобланади ва энди вазиятдан чиқиш учун одамлар жипслиги ва қудратли етакчи керак бўлади.