Венесуэлада табиий офат қурбонлари сони 20 дан ошди
Венесуэла шимолида юз берган сув тошқини натижасида 22 киши ҳалок бўлди, 52 киши бедарак йўқолди, деб хабар берди "ТАСС".
Якшанба куни ижрочи вице-президент Делси Родригес давлат раҳбари Николас Мадуро мамлакатда уч кунлик мотам эълон қилганини билдирди.
“Ҳозирча 22 кишининг жасади топилди, 52 одамнинг дараги чиқмаяпти”, деди у журналистларга.
Мазкур баёнот “Venezolana de Television” телеканалида намойиш этилди.
Қайд этилишича, Лас-Техериас шаҳри яқинида бир неча тоғ дарёси ўзанидан тошган.
Воқеа жойида қутқарув ишлари олиб борилмоқда.