Венесуэланың оңтүстік-шығысындағы Боливар штатының Ангостура муниципалитетінің Ла Парагуа қаласында шахтаның опырылуы салдарынан 15 адам қаза тауып, 11 адам жарақат алды.

Бұл туралы сәрсенбі күні кешке президент Николас Мадуро мәлімдеді.

Оның айтуынша, іздестіру-құтқару топтары қайғылы оқиғадан шахтада қалғандарды табу үшін жұмысты жалғастыруда.

«Біз дереу барлық азаматтық қорғаныс бөлімшелерін жібердік және Боливар штатының губернаторы Анхель Марканомен бірге құтқару процесін күшейтеміз», - деді Мадуро мемлекеттік телеарнадан жасаған үндейінде.