Венесуэла Ташқи Ишлар Вазирлиги БМТ Хавфсизлик Кенгашининг фавқулодда йиғилишини чақиришни талаб қилди. Ташқи Ишлар вазири Иван Хиль Пинто Telegram орқали эълон қилиб, бу ҳаракатни АҚШнинг «жиноий тажовузи» деб атади.

Европа Иттифоқи ташқи ишлар ва хавфсизлик сиёсати бўйича юқори вакили Кая Каллас Николас Мадуронинг «легитим эмас» эканига урғу бериб, ҳар қандай ҳолатда ҳам халқаро қонунлар ва БМТ Низомига амал қилиш лозимлигини билдирди. Каллас АҚШ давлат котиби Марко Рубио ва ЕИ нинг Каракасдаги элчиси билан вазиятни муҳокама қилганини айтиб, Европа Иттифоқи вазиятни диққат билан кузатаётганини таъкидлаган. 

Колумбия президенти Густаво Петро эса АҚШ зарбаларидан сўнг ҳарбийларни Венесуэла билан чегарага жўнатишини маълум қилди. У бу ҳаракатни «Лотин Америкаси суверенитетига тажовуз» деб баҳолади. 

Германия ТИВ вазиятни катта хавотир билан кузатаётганини маълум қилганва 3 январдан кейин шу воқеалар муносабати билан йиғилиш режалаштирилганини маълум қилди. 

Эрон ТИВ АҚШнинг Венесуэлага бу ҳужумини «давлат суверенитети ва ҳудудий яхлитликка қасд» деб атади.

Куба президенти Мигель Диас-Канель АҚШнинг бу ҳаракатини «жиноий ҳужум» деб баҳолади ва халқаро жамоатчиликдан «зудлик билан реакция» талаб қилди.

Кенжа Бекжонов, ЎзА